Təbriz millət vəkili mədəniyyət nazirindən Azərbaycan Mədəniyyət və Ədəbiyyat Fondunu bərpa etməyi xahiş edib

GADTB: Şərqi Azərbaycan Nümayəndələr Məclisinin sədri Əlirza Novin məktəblərdə türk dilinin tədrisinə qarşı bəzi hərəkatların müqavimətinə toxunaraq mədəniyyət nazirini qanuni səlahiyyətinə uyğun olaraq Konstitusiyanın 15-ci maddəsinin tətbiqinə və türk dilinin tədrisinə dəstək verməyə çağırıb.

Güney Azərbaycanda “Türk Dili Akademiyası”nın yaradılması Həsən Ruhaninin 2013-cü il prezident seçkiləri kampaniyası zamanı Azərbaycan xalqına verdiyi vədlərdən biri idi.

Ruhani prezident olduqdan sonra bu vədinə əməl etməyib və 2015-ci ildə Təbrizdə “Türk Dili Akademiyası”nın əvəzinə “Azərbaycan Mədəniyyət, İncəsənət və Ədəbiyyat Fondu” adlı formal mərkəz açılıb. Lakin onun maliyyələşdirilməsi əvvəldən dayandırılıb və indi yalnız fondun adı qalıb.