GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən Təbriz Tibb Universitetinin öyrənciləri maraqlı şüarla aksiya keçiriblər.
Onlar azərbaycanlı öyrənci hərəkatı fəalı Armita Pavirin oktyabrın 31-də Təbriz Universitetinin giriş qapısında yaxalanmasına etiraz ediblər.
Öyrənci fəalın yaxalanmasından sonra universitetdə öyrəncilərin etiraz aksiyaları genişlənib.
Bazar ertəsi aksiya keçirən azərbaycanlı öyrəncilərin susdurulması və aksiyanın dağıdılması üçün universitetə cəlb edilən hökumət məmurlarının zorakılıqlarından sonra Təbrizin Mədəni Universitetinin öyrənciləri də aksiyaya başlayıblar.
Azərbaycanlı öyrəncilər türkcə “Haray haray azadlıq” şüarları səsləndirib.
Öyrəncilər həmçinin üzərində “Saçlarım azadlıq bayrağıdır, ipi çəkdikcə ucalarda əsəcək” yazılmış plakat qaldırıblar.
