GADTB Güney Azərbaycan Demokratik Türk Birliyi
GADTB: 1404-cü il azar ayının 4-də (çərşənbə günü) Təbriz şəhərində bir qrup azərbaycanlı fəal müxtəlif küçə və məhəllələrdə bannerlər asaraq həbsxanalarda saxlanılan siyasi və ictimai fəallara dəstəklərini ifadə ediblər.
Bannerlərdə “Azərbaycanın siyasi məhbuslarını azad edin”, “Azərbaycanın siyasi əsirlərinə azadlıq” kimi şüarlarla yanaşı, Araz Aman, Baqir Hacızadə, Vədud Əsədi, Tahır Nəqəvi, Ayaz Seyfxah, Əzimi Qədim, Məhmud Ocaqlı, Abbas Lisanı, Əli Xeyircu, Yusif Karı, Behzad Dəşti, Salar Tahirəfşar, Kərəm Mərdanə, Fatimə Atəşi Xiyavi, Mürtəza Pərvin, Məhəmmədrza Fəqihi və Rəncbərinin fotoları yer alıb.
Bu addım, həm ictimaiyyətin, həm də beynəlxalq hüquq qurumlarının diqqətini azərbaycanlı siyasi məhbusların durumuna yönəltmək məqsədi daşımaqla yanaşı, ailələrin və cəmiyyətin aylarla davam edən intizar və etiraz səsini də əks etdirib.
Fəallar bu hərəkətləri ilə hakimiyyətə açıq mesaj göndəriblər: Azərbaycanlı fəalların sıxışdırılması nə ədalət axtarışından, nə də milli haqlar uğrunda mübarizədən çəkindirir; əksinə, siyasi məhbuslara dəstək və həmrəylik çağırışlarını daha da gücləndirir. Bu aksiya Azərbaycan toplumunun sarsılmaz iradəsinin və fundamental hüquqlar uğrunda duruşunun rəmzi kimi qiymətləndirilir.
