Təbrizdə azərbaycanlı milli fəallar rejimin həbs etdiyi fəallara azadlıq tələbilə vərəqələr yaydılar

GADTB-nin Mətbuat Mərkəzinə daxil olan məlumata görə, Təbrizdə azərbaycanlı fəallar Güney Azərbaycanda milli fəalların irqçi fars-molla rejimi tərəfindən həbsinə etiraz olaraq vərəqlər paylayıblar.

Azərbaycanlı fəalların divarlara yapışdırdığı və payladığı vərəqlərdə əsas mesaj bundan ibarətdir:

“Tehranın totalitar və mərkəzçi rejimi bilməlidir ki, bir gül qoparmaqla Azərbaycan baharına qarşı davam gətirə bilməyəcək”.

Qeyd edək ki, irqçi fars-molla rejimi son aylarda çox sayda azərbaycanlı fəalı həbs edərək, onlara işgəncə verir. Fəalların bəzisi girov qarşısında zaminə buraxılsa da bir sırası hələ də həbsdə saxlanılır.