Təbrizdə həbsdə olan azərbaycanlı fəallara dəstək məqsədilə “Birləşək” başlıqlı posterlər yayıldı

GADTB-nin Mətbuat Mərkəzinə daxil olan məlumata görə, dünən Təbrizdə həbsdə olan azərbaycanlı fəallara dəstək məqsədilə “Birləşək” adlı posterlər hazırlanaraq paylaşılıb.

Bir qrup azərbaycanlı fəal Təbriz şəhərində posterlər yayıb və ya yapışdırmaqla İran həbsxanalarında məhbus olan azərbaycanlı fəallara dəstək verdiklərini açıqlayıb və onların həbsdən azad olunmasını tələb ediblər.

İctimai yerlərdə yapışdırılan posterlərdə “Azadlıq, Ədalət, Milli Hökumət” şüarı da öz əksini tapıb.