GADTB-nin Mətbuat Mərkəzinə daxil olan məlumata görə, Güney Azərbaycanın Culfa şəhərindən olan təqaüdə çıxmış azərbaycanlı müəllim Lətif Ruzixah 7 aylıq həbs cəzasını çəkmək üçün İranın Culfa şəhərindəki zindanına köçürülüb.
Qeyd edək ki, İranın Culfadakı İnqilab Məhkəməsi 2021-ci ilin noyabr ayında Şərqi Azərbaycan Müstəqil Mədəniyyət Dərnəyinin İdarə Heyətinin üzvü, təqaüddə olan azərbaycanlı müəllim Ruzixahla bağlı “Sistemə qarşı təbliğat” ittihamı ilə 7 ay həbs cəzasının verilməsi barədə qərar çıxarıb.
Lətif Ruzixah bundan öncə də müxtəlif bəhanələrlə İran rejiminin təzyiqlərinə məruz qalıb.
İran rejiminin məhkəmə və təhlükəsizlik qurumları azərbaycanlı müəllimə qarşı “İctimai asayişi pozmaq” və “İctimai rəyi təhrik etmək” ittihamları irəli sürülərək, onun fəaliyyətlərinin qarşısını almağa çalışıblar.