GADTB Güney Azərbaycan Demokratik Türk Birliyi
GADTB: Cənubi Azərbaycanın siyasi fəalları Tağır Nəqəvi və Vədud Əsədi Tehranın Evin həbsxanasında təcridxanaya köçürülmələrinə baxmayaraq, aclıq aksiyasını davam etdirirlər.
Məlumata əsasən, səhhətində ciddi problemlər olan Tağır Nəqəvi etiraz məqsədilə artıq su və dərman qəbulundan da imtina edib. Bu vəziyyət onun həyatını ciddi təhlükə altına alır və həm ailəsi, həm də hüquq müdafiəçiləri arasında ciddi narahatlıq yaradıb.
Ailəsinin dəfələrlə məhkəmə və prokurorluq orqanlarına müraciət etməsinə baxmayaraq, onların təcili tibbi müdaxilə tələbləri cavabsız qalıb, rəsmi qurumlar isə tam susqunluq nümayiş etdiriblər.
Yaxınlarının bildirdiyinə görə, Nəqəvi tibbi yardıma təcili ehtiyac duyduğu halda, ağır fiziki durumuna rəğmən hələ də təkadamlıq kamerada saxlanılır və bu şərait onun səhhətində geri dönməz fəsadlar yarada bilər.
