Tanınmış azərbaycanlı fəal Abbas Lisaninin son məhkəmə iclası keçirildi

GADTB-nin Mətbuat Mərkəzinə daxil olan məlumata görə, dünən 2019-cu il iyun ayının 27-də tanınmış azərbaycanlı milli-mədəni fəal Abbas Lisaninin son məhkəmə iclası keçirildi.

Səhər saatlarında rejimin Ərdəbildə yerləşən inqilab məhkəməsinin 1-ci şöbəsində keçirilən məhkəmədə fəalın vəkili və prokurorluq nümayəndələri də iştirak ediblər. Məhkəmə prosesində Abbas Lisani hakimə deyib: “Hər kəs mənə qarşı irəli sürülmüş ittihamların əsassız və yalan olduğunu bildiyindən, ümid edirəm ki, məhkəmə orqanları bu cinayət işində həssaslıq və müstəqilliyi qorumağın zəruri olduğunu başa düşər.”

Azərbaycanlı fəal Azərbaycan Milli Hərəkatının sivil olduğuna toxunaraq deyib: “Hərəkatın öz xaricində heç bir ünsürdən asılı olmadığını nəzərə aldıqda, onun ideologiyasına digər fikirləri yeritmək və bunun da nəticəsində Azərbaycan milli-mədəni fəallarına qarşı repressiya həyata keçirtmək cəhdləri uğursuzluğa düçar olacaq.”

Qeyd edək ki, tanınmış azərbaycanlı fəal Abbas Lisani 2019-cu il yanvar ayının 15-də rejimin Təbrizdə yerləşən inqilab məhkəməsinin 2-ci şöbsində oğurlanmış, daha sonra rejimin Ərdəbildə yerləşən ETTELAAT İdarəsinin məmurlarına təhvil verilmişdir. O, tutulmamışdan öncə müsahibələrindən birində demişdir: “İranda türklərin milli və insan hüquqları baxımından istəkləri kütləvi olduğuna görə, bu tələbləri qəbul etməmək ölkə idarəçilərini qarşıda daha böyük və daha ciddi mübarizə meydanları ilə üz-üəz qoyacaq”.

Həmçinin yoxlayın

Zərşuran kəndində əhali etiraza qalxıb

GADTB-nin Mətbuat Mərkəzinə daxil lan məlumata görə, Qərbi Azərbaycan əyalətinin Zərşuran kəndində azərbaycanlı əhali martın …

İran Araz çayının radiasiya ilə çirklənməsini inkar edir

GADTB: “Arsheh Online” saytı xəbər verir ki, Araz çayı çirklənib və Ərdəbil əyalətin xərçəng xəstəliyinə …

Bir cavab yazın