GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin sentyabrın 5-də həbs etdiyi tanınmış musiqiçi və azərbaycanlı fəal Abbas Nikrəvan 600 milyon tümənlik mülki vəsiqə girov qoymaqla məhkəməyə qədər zaminə buraxılıb.
Azərbaycanlı sənətçinin rejim tərəfindən şərlənərək “İran rejiminə qarşı təbliğat aparmaq”, “İctimai rəyi çaşdırmaq” və “Sistemə qarşı qruplara üz olmaq”da ittiham edilib.
Qeyd edək ki, azərbaycanlı musiqiçi və fəal Abbas Nikrəvan 5 sentyabrda rejimin məmurları tərəfindən yaxalanıb.
Abbas Nikrəvan bundan öncə də mədəni fəaliyyətlərinə görə dəfələrlə həbs olunub.
O, 2018-ci il iyulun 5-də Babək Qalası Qurultayında rejimin ETTELAAT məmurları tərəfindən yaxalanıb, bir həftə dindirildikdən sonra ağır girov qarşılığında zaminə buraxılmışdı.
Bununla yanaşı Nikrəvanın xərçəng xəstəliyindən əziyyət çəkən və kimsəsiz uşaqlara yardım üçün 2015-ci il 4-6 fevralda Qoşaçayda keçirilməsi nəzərdə tutulan xeyriyyə konserti rejimin məmurlarının basqıları nəticəsində ləğv edilmişdi.
