GADTB Güney Azərbaycan Demokratik Türk Birliyi
GADTB: Kürdüstan ostanına ilhaq edilmiştarixi Azərbaycan ərazisi olan Bijarın Yasukənd şəhəri (Həsənabad Yasukənd) şəhrivərin 22–23-də üzüm festivalına ev sahibliyi edəcək. Tədbirin məqsədi bölgənin məşhur üzümünü, yerli məhsulları, həmçinin Yasukəndin mədəni və turizm potensialını tanıtmaqdır.
Festival çərçivəsində təzə üzüm, kişmiş və digər yerli məhsullar satışa çıxarılacaq. Həmçinin Azərbaycan musiqisi, ənənəvi mərasimlər, yerli yeməklərin təqdimatı, eləcə də Azərbaycanın bu tarixi bölgəsində yerləşən Yasukəndin təbii və turizm məkanlarının tanıdılması ilə bağlı proqramlar keçiriləcək.
Yasukənd Bijar bölgəsinin Azərbaycan türklərinin yaşadığı bölgələrindən biridir. Şəhərin üzüm bağları bölgənin ən tanınmış kənd təsərrüfatı imkanlarından hesab olunur. Ötən il şəhərdə üzüm festivalının beşinci mərhələsi keçirilib və bundan sonra festival ölkənin rəsmi turizm tədbirləri təqviminə daxil edilib.
Festivalın keçirilməsi bağbanların məhsullarının tanıdılması ilə yanaşı, Yasəkəndin və Azərbaycanın Bijardakı digər türkdilli bölgələrinin mədəniyyətinin, musiqisinin, mətbəxinin və turizm imkanlarının təbliği baxımından da mühüm imkan yaradacaq.
