GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən martın 13-də Güney Azərbaycanın Təbriz və Ərdəbil şəhərlərində azərbaycanlı təqaüdçülər etiraz aksiyası keçiriblər.
Təqaüdçülər hər iki şəhərdə Sosial Təminat İdarəsinin binaları qarşısına toplaşaraq əmək haqqı və təqaüdlərin aşağı olmasına, eyni zamanda sığorta problemlərinə və həyat şəraitinin pis olmasına etirazlarını bildiriblər.
Yaşayış şəraitlərinin günü-gündən çətinləşdiyini bildirən narazılar təqaüdlərin artırılmasını tələb edib.
Etirazçılar həmçinin təqaüdlərin eyniləşdirilməsi və artırılmasını tələb ediblər.
Bu sayca azərbaycanlı təqaüdçülərin son iki ay yarımda sayca 7-ci etiraz aksiyalarıdır.
