GADTB-nin Mətbuat Mərkəzinin əldə etdiyi məlumata görə, PYD-YPG terrorçuları Afrində yerləşən mövqelərindən Kilis və Hatayın Reyhanlı mahalına 6 raket zərbəsi endirib.
“Hürriyət” terrorçuların Türkiyədə yaşayış məskənləri istiqamətində eyni zamanda 6 raket buraxdığını yazıb.
Məlumata görə, raket zərbələri nəticəsində 11 nəfər yaralanıb.
Digər tərəfdən isə PKK-nın Afrin əməliyyatları zamanı verdiyi itkilərin əvəzinə bölgədəki 900-dən çox uşağı qaçırıb.
Bu barədə saxlanılan terrorçulardan biri dindirilmə zamanı deyib. O bildirib ki, PKK qaçırdığı uşaqlara qısa müddətdə silah təlimləri keçərək onları cəbhə bölgəsinə göndərir.
PKK üzvü təşkilatın Afrindəki ailələrin yaşlılarını da qaçıraraq zorla hərbi əməliyyatlara cəlb etdiyini söyləyib.