GADTB Güney Azərbaycan Demokratik Türk Birliyi
GADTB: İran Tibb Bacıları Təşkilatının Ali Şurasının üzvü Loğman Şərifi bildirib ki, bir çox tibb bacısının aylıq gəliri ayın ilk 10 gününün xərclərini belə qarşılamağa kifayət etmir. Onun sözlərinə görə, bu vəziyyət səhiyyə işçilərinin üzərindəki maddi yükü ciddi şəkildə artırıb.
Şərifi tibb bacılarının tələblərinə diqqətsizlikdən narazılığını bildirərək deyib ki, müharibə, xəstəlik və ya enerji çatışmazlığı kimi böhranlar zamanı tibb bacıları və səhiyyə işçiləri iş yerlərini tərk etməyən ilk və sonuncu əməkdaşlar sırasında olurlar.
O əlavə edib: “İdarələrin bağlı olduğu, insanların evlərində qaldığı günlərdə tibb bacısı xəstəxanadadır. Biz 24 saat oyağıq, amma səsimiz eşidilmir.”
Bu açıqlamalar İranda səhiyyə işçilərinin gəlirləri ilə gündəlik yaşayış xərcləri arasındakı fərqi bir daha gündəmə gətirir. Sözügedən problem son illərdə tibb bacılarının etiraz və narazılıqlarının əsas mövzularından birinə çevrilib.
