Tramp İran əhalini etiraza çıxmağa çağırışın qarşısını aldı

GADTB: ABŞ-ın Donald Tramp İsrailin baş naziri Benyamin Netanyahunun İranda əhalini hökumətə qarşı etiraz etmək üçün küçələrə çıxmağa çağırmaq planına qarşı çıxıb.

“Axios” nəşrinin yazdığına görə, iki amerikalı rəsmi və bir israilli mənbənin bildirdiyinə əsasən, Netanyahu ötən həftə iranda əhalini hakimiyyətə qarşı etiraz etmək üçün küçələrə çıxmağa səsləmək istəyib. Lakin prezident Tramp ona bunun “çox təhlükəli” olduğunu deyib.

Məsələdən xəbərdar olan amerikalı rəsmilərdən birinin sözlərinə görə, Tramp Netanyahu ilə telefon danışığı zamanı belə deyib:

“Əgər nəticədə insanlar qırılacaqlarsa (kütləvi şəkildə öldürüləcəklərsə), niyə biz onlara küçələrə çıxmağı deməliyik?”