Tramp: “İran İslam Respublikasını hissə-hissə məhv edə bilərik və ya onunla razılığa gələ bilərik; danışıqlar hazırda davam edir”

GADTB: ABŞ Prezidenti Donald Tramp bildirib ki, Vaşinqtonun İran İslam Respublikası ilə bağlı iki əsas seçimi var: hərbi əməliyyatları davam etdirərək və genişləndirərək rejimin imkanlarını mərhələli şəkildə zəiflətmək və ya danışıqlar yolu ilə razılığa nail olmaq.

Trampın sözlərinə görə, İran tərəfi razılaşma əldə etmək istəyir, lakin hələlik buna tam hazır deyil.

Donald Tramp deyib: “Düşünürəm ki, bunun həlli üçün müxtəlif yollar var. Hərbi yol mövcuddur; yəni hazırda etdiyimiz əməliyyatları davam etdirmək və hətta onların intensivliyini artırmaq. Bu proses onların bütün imkanlarını zəiflədir.

Digər və daha ağıllı yol isə razılığa gəlməkdir.

Onlar razılıq istəyirlər. Sadəcə düşünmürəm ki, hələ buna hazır olsunlar. Amma onlar razılıq istəyirlər.

Bəzən bunu açıq demək istəmirlər və özlərini sərt göstərməyə çalışırlar. Lakin razılıq əldə etmək istəyirlər.

İki yol var. Biz hazırda etdiyimiz işi davam etdirə və onları hissə-hissə zəiflədə bilərik. Hətta bunu daha sürətli etmək imkanımız da var və belə bir addım ata bilərik.

Digər yol isə danışıqlardır. Biz artıq bu danışıqları aparırıq. Demək istəyirəm ki, elə bu anda da onlarla təmaslar davam edir.”

Trampın açıqlamalarında həm hərbi təzyiqin artırılması ehtimalı, həm də diplomatik danışıqların paralel şəkildə davam etdiyi vurğulanıb.