Tramp: İran rejimi yeni nüvə obyektinin tikintisi ilə məşğuldur; davam etsəniz, əvvəlkindən də ağır addımlar atacağıq

GADTB: ABŞ-ın keçmiş prezidenti Donald Tramp jurnalistin sualına cavabında açıq və hədələyici tonda bəyan edib ki, İran rejimi yeni bir nüvə obyektinin inşasını planlaşdırır. Tramp bildirib: “Biz bilirik ki, iranlılar yeni nüvə obyekti tikmək istəyirlər. Onlara demişik ki, bu istiqamətdə irəliləsələr, əvvəlkindən də daha pis addımlar atacağıq. Və yenidən B-2 göndərəcəyəm.”

Bu açıqlama ağır bunkerləri məhv etməyə qadir olan və nüvə silahı daşıya bilən B-2 strateji bombardmançılarına birbaşa işarə kimi qiymətləndirilir. Qeyd olunur ki, bu tip təyyarələr daha əvvəl rejimin nüvə obyektlərinə qarşı həyata keçirilən “Gecəyarısı çəkici” əməliyyatında əsas rol oynayıb.

Trampın B-2 bombardmançılarını yenidən xatırlatması, faktiki olaraq rejimin mümkün yeni nüvə obyektlərinə qarşı birbaşa və genişmiqyaslı hava zərbəsi təhdidinin təkrarı kimi dəyərləndirilir. Xüsusilə də danışıqların dalana dirəndiyi, İran İslam Respublikasının danışıqlar masasından geri çəkildiyi və nüvə fəaliyyəti ilə bağlı şübhəli addımların artdığı bir şəraitdə bu təhdidlərin çəkisi daha da artmış hesab olunur.