Tramp: İranın qəddar və şər rejimi 3 ay əvvələ qədər 52 min etirazçını öldürüb və onlar “heç vaxt” nüvə silahına sahib olmayacaqlar

GADTB: ABŞ prezidenti Donald Tramp İranın molla rejiminin son dərəcə qəddar və şər olduğunu, nüvə silahına sahib olmasına imkan verilməməli olduğunu vurğulayaraq, ABŞ-ın hücumları və təzyiqlərinin İran rejiminin hərbi və iqtisadi imkanlarını ciddi şəkildə zəiflətdiyini bildirib. Tramp həmçinin İranın hərbi-dəniz qüvvələrinin, hava qüvvələrinin və hava hücumundan müdafiə sistemlərinin məhv edildiyini, bu rejimin rəhbərlərinin də öldürüldüyünü deyib. O xəbərdarlıq edib ki, İran rejimi nüvə silahına sahib olsaydı, İsrail məhv edilər və böyük ehtimalla Yaxın Şərq də genişmiqyaslı dağıntı ilə üzləşərdi:

İran rejimi dünyada terrorizmin əsas dəstəkçisi olan ölkədir. Bunu bütün dünyada dəfələrlə eşitmisiniz. Onlar nüvə silahına sahib ola bilməzlər.

Bir çox insan mənə deyib: “Bunu etməli idinizmi?” Mən isə deyirəm: Sizcə, İranın nüvə silahına sahib olmasında problem varmı? Nüvə silahı genişmiqyaslı məhvolma deməkdir. Bilirsiniz, gördüyünüz hər şeyi təsəvvür edin və onu 100 dəfə artırın. Və hamı deyir ki, xeyr. Hətta bu məsələ ilə bağlı mənimlə mübahisə edən qarşı tərəfdən olan insanların demək olar ki, hamısı bununla razıdır.

Venesuela ilə bağlı da eyni şey belə idi. Mən bunu etdiyim zaman hamı Venesuelaya qarşı idi. İndi isə görün, bu məsələ nə qədər yaxşı nəticələnib. Amma onlar bu addıma da qarşı çıxmışdılar. Mənim dediyim yalnız budur: İranın nüvə silahına sahib olmasında problem varmı? Mən indiyədək heç kimin “bəli” dediyini görməmişəm. Onlar “xeyr, problem yoxdur” deyən kimi isə mən deyirəm: Deməli, mən haqlıyam.

Amma biz böyük iş görürük. Mühasirə möhtəşəm olub. Maliyyə təzyiqləri… Onlara göstərdiyimiz maliyyə təzyiqləri ilə çox ağır zərbə vururuq. İndiyədək heç kim belə bir zərbə almayıb. Hazırda onlar dağılmaqda olan bir ölkədir. Vaxtı çatanda ya qalib gələcəyik, ya da onlar hansısa addım atacaqlar. Amma mənim qələbə ilə problemim yoxdur, yalnız qələbə istəyirəm. Mənə onların bir kağız parçasının altına imza atması lazım deyil.

Amma biz çox yaxşı irəliləyirik. Onların hərbi-dəniz qüvvələri məhv edilib. Hava qüvvələri məhv edilib. Rəhbərləri məhv edilib. Bütün hava hücumundan müdafiə sistemləri, demək istəyirəm ki, onların hamısı məhv edilib.

Onlar dözümlü insanlardır. Ağıllı insanlardır. Amma çox şərdirlər. Üç ay əvvələ qədər 52 min etirazçını öldürüblər. Təəssüf ki, onların sayı əhəmiyyətli dərəcədə artıb. Hətta etiraz etməyən insanları da evlərinə gedərək çölə çıxarır və güllələyirlər. Bunlar çox qəddar və şər insanlardır.

Əgər onların nüvə silahı olsaydı, İsrail məhv edilərdi. Əgər mən prezident olmasaydım, İsrail məhv edilərdi. Daha heç bir israilli qalmazdı və böyük ehtimalla Yaxın Şərq də mövcud olmazdı. Bunu göstərən məqam isə budur ki, müəyyən dərəcədə neytral olan və illər ərzində onlarla yaxşı münasibətlər saxlayan insanlar atəşə tutulmağa başlayan kimi Səudiyyə Ərəbistanı, Qətər, Birləşmiş Ərəb Əmirlikləri, Bəhreyn və Küveyti hədəfə almağa başladılar. Onları hədəfə alırdılar.

Hamı şoka düşmüşdü. Mən təəccübləndim. Düşündüm ki, bu, çox yaxşı hadisədir, çünki onların malik olduqları bütün dəstəyi itirdilər. Onların müəyyən qədər dəstəyi var idi. Onlar, deyək ki, əsasən neytral idilər. Bu o deməkdir ki, əgər onların nüvə silahı olsaydı, ondan istifadə edərdilər.

Buna görə də düşünürəm ki, Yaxın Şərq faktiki olaraq məhv olardı. Amma İsrail, şübhəsiz ki, məhv edilərdi. Və düşünürəm ki, bundan sonra növbə bizə, yaxud Avropaya və ya başqa bir yerə çatardı.

Amma xeyr, onların nüvə silahına sahib olmasına icazə verə bilməzsiniz. Onlar nüvə silahına sahib olmayacaqlar.