GADTB Güney Azərbaycan Demokratik Türk Birliyi
GADTB: İranın Gənclər və İdman Nazirliyi bəzi xarici yarışlarda idmançıların təhlükəsizliyini təmin edə bilmədiyini açıqladıqdan sonra, Azərbaycan təmsilçisi olan Traxtur klubunun Asiya Çempionlar Liqasında iştirakının dolayı şəkildə məhdudlaşdırıla biləcəyi barədə ehtimallar artıb.
İranın rəsmi IRNA xəbər agentliyinin yaydığı məlumata görə, Gənclər və İdman Nazirliyi xüsusi şərait və bəzi ölkələrdə iranlı idmançıların təhlükəsizliyinə zəmanət verilməsinin mümkün olmaması səbəbindən klub və milli komandaların bu yarışlarda iştirakı növbəti xəbərdarlığa qədər qadağan oluna biləcəyini bildirib.
Bu qərar o vaxt verilib ki, Azərbaycanı təmsil edən Traxtur klubu Asiya Çempionlar Liqasının mühüm mərhələsində mübarizə aparır. İdman analitiklərinin fikrincə, bu məhdudiyyət dolayı şəkildə komandanın yarışlardan kənarlaşdırılmasına və ya yarışdan çəkilməsinə səbəb ola bilər.
Rəsmi açıqlamada konkret bir klubun adı çəkilməsə də, qarşıdakı oyunların proqramı və onların keçiriləcəyi yerlər nəzərə alındıqda, bu qərarın ən çox Traxtur klubuna təsir göstərəcəyi ehtimal edilir.
