Cümə axşamı , İyul 25 2024
azfa

Türkiyə təyyarədaşıyan gəmisini PUA-larla təchiz edəcək

GADTB-nin Mətbuat Mərkəzinə daxil olan məlumata görə, Türkiyənin Müdafiə sənayesi naziri İsmayıl Dəmir “TCG Anadolu”nun dünyada silahlı insansız hava aparatları (SİHA) ilə təchiz olunan ilk gəmi olacağını açıqlayıb.

“AV-8B Harrier” döyüş təyyarələrinin “TCG Anadolu”da yerləşdirilməyəcəyini ifadə edən nazir, bu gəminin hazırlanması zamanı çox təcrübə qazandıqlarını söyləyib.

İ.Dəmirin sözlərinə görə, “L-400”dən qazandıqları təcrübə ilə daha böyük bir təyyarə gəmisi hazırlamaq mümkün olacaq.

“Çox məqsədli “Amfibiya Hücum Gəmisi TCG Anadolu”’nu inventarımıza əlavə etdikdə, Türk Donanması daha da güclənəcək. Pandemiya mühiti layihəyə bir az təsir etdi, planlaşdırılan tarix 2022-ci ilin sonu idi. Lakin cənab Prezident bu tarixi gəmiqayırma zavodu ilə danışıqlar apararaq önə çəkdi. Pandemiyaya baxmayaraq, önə çəkilən tarix üçün işləri çatdırmağa çalışırıq. 2021-ci ilin sonuna qədər “TCG Anadolu”nu inventara daxil etməyə çalışacağıq. “Harriers” çox köhnə bir dizayndır və açığı, onunla maraqlanmırıq”, – türk nazir qeyd edib.

Həmçinin yoxlayın

Molla rejimi azərbaycanlı milli fıalı mühakimə etdi

GADTB-nin Mətbuat Mərkəzinə daxil olan məlumata görə, hazırda Tehranın Evin zindanında həbsdə saxlanılan milli fəal …

İran Ermənistanla 500 milyon dollarlıq gizli silah müqaviləsi imzalayıb

GADTB-nin Mətbuat Mərkəzinə daxil olan məlumata görə, İran Ermənistanla bu təcavüzkar ölkəni silahlandırmaq üçün 500 …