GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi mis yatağını talamaqla Vərziqanda ekoloji fəlakətə səbəb olub.
Şərqi Azərbaycan əyalətinin Vərziqan bölgəsində yerləşən “Süngün” Mis Mədəninin zəhərli tullantıları İlqına çayına buraxıldığı üçün bölgədə ekoloji fəlakət baş verib.
Yerli ekofəalların yaydığı məlumatda deyilir ki, artıq çay və çayın yatağı ciddi şəkildə çirkləndirilib.
Azərbaycanlı ekofəallar bölgə təbiətinin bundan artıq ekoloji problemə dözə bilmədiyini, ekoloji fəlakətin miqyasının genişləndiyini yazıblar: “Mis mədənlərinin ekoloji məsələlərə və standart qaydalara əməl etməməsi, ərazidəki mədənlərin istismar səviyyəsinin genişlənməsi Qaradağ meşələrinin daha çox məhv olmasına və vəhşi təbiətin daha ciddi problemlərlə üzləşməsinə səbəb olur”.
Qeyd edək ki, irqçi fars-molla rejimi Azərbaycan mədənləri talamaqla regionun sərvətlərini farslar yaşayan bölgələrə daşıyır, Güney Azərbaycana isə ekoloji fəlakət miras qoyur.
