Türkiyə ordusunun Afrində terrorçulardan azad etdiyi bölgələr – Xəritə

GADTB-nin Mətbuat Mərkəzinə daxil olan məlumata görə, Türkiyə ordusu Afrinin Şeyx Hadid bölgəsini ələ keçirib. Şeyx Hadid bölgəsi ilə bərabər Mustakan, Hacı Xəlil, Əli Bədirli, Kırıklı kəndləri də Türkiyə ordusunun nəzarətinə keçib. Nəticədə əməliyyatların başlanğıcından bu yana PYD-nin nəzarətindən xilas edilən bölgələrin sayı 131-ə çatıb.

Ordu həmçinin son 24 saat ərzində 178 terrorçunu məhv etdiyini açıqlayıb.

Türkiyənin Suriyada məhv etdiyi terrorçu sayı 2612-yə çatıb.

Qeyd edək ki, Türkiyə yanvarın 20-dən bu yana Suriyada “Zeytun budağı” əməliyyatını həyata keçirir.