GADTB Güney Azərbaycan Demokratik Türk Birliyi
GADTB: Türkiyənin Əmək və Sosial Təminat Naziri Vedat Işıkhan, Türk Dövlətləri Təşkilatının (TDT) Əmək, Məşğulluq və Sosial Müdafiə Nazirlərinin Azərbaycan Respublikasında keçirilən ilk görüşündə üzv dövlətlər arasında “Çoxtərəfli Əmək Sazişi”nin tətbiqinin əhəmiyyətli olduğunu bildirib.
“Türk Dünyası 2040” vizyon sənədindən ilhamlanaraq, o, əmək, məşğulluq və sosial müdafiə də daxil olmaqla bütün sahələrdə əlaqələrin dərinləşdirilməsinə çağırış edib.
Türkiyənin iqtisadi artımına toxunan Işıkhan, ölkənin işsizlik səviyyəsinin ardıcıl 30 aydır ki, tək rəqəmli səviyyədə qaldığını və bunun əmək bazarında güclü impulsu göstərdiyini bildirib.
O, bölgədə ixtisaslı işçi qüvvəsinin mobilliyinin artırılmasını təşkilata üzv ölkələrin ehtiyaclarını ödəməkdə və bacarıqların təkmilləşdirilməsində əsas amil olduğunu bildirib.
