GADTB Güney Azərbaycan Demokratik Türk Birliyi
GADTB: “Koroğlu” tamaşasını izləyənlərin sayı 10 min nəfəri keçib. Yaqub Sədiq-Cəmalinin quruluşunda Təbrizin Xavəran zalında səhnələşdirilən bu əsər son günlərdə Azərbaycan ictimaiyyəti tərəfindən böyük maraqla qarşılanıb və əksər nümayişlərin biletləri qısa müddətdə tükənib.
150-dən çox sənətçinin iştirakı, canlı musiqi, geniş səhnə quruluşu və fərqli vizual təqdimatı ilə hazırlanan tamaşa, xalq qəhrəmanı Koroğlunun dastanından seçilmiş hissələri möhtəşəm və epopeyaya yaxın bir səhnə dili ilə tamaşaçılara təqdim edir.
Tamaşa 21 Azər tarixinə qədər hər gün iki seans olmaqla nümayiş etdiriləcək və bildirildiyinə görə, yenidən uzadılması nəzərdə tutulmur.
Bilet əldə etmək istəyənlər ebilit.com saytına müraciət edə bilərlər.
