GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Kibertəhlükəsizlik üzrə mütəxəssislər İranın Kəşfiyyat Nazirliyi-ETTELAAT-a bağlı “MuddyWater” haker qrupunun Türkiyənin dövlət və özəl sektorundakı qurumlarına kiberhücumlar etməsi barədə məlumat yayıblar.
“Deutsche Welle” yaydığı xəbərə görə, sözügedən haker qrupu kiberhücum etdiyi orqanlara özünü Türkiyənin iki nazirliyinin nümayəndəsi kimi təqdim edib.
İran dövlət orqanları tərəfindən dəstəklənən həmin haker qrupu Türkiyədəki müəyyən hədəflərə kiberhücumlar təşkil edib.
Xatırladaq ki, İranın ETTELAAT (Təhlükəsizlik) Nazirliyi tərəfindən dəstəklənən “Merkuri” və ya “Statik Keaton” olaraq da tanınan “MuddyWater” haker qrupu ən azı 2017-ci ildən Amerika, İsrail, Avropa və Yaxın Şərqdə kiberhücumlar həyata keçirməsi ilə tanınır.
