GADTB-nin Mətbuat Mərkəzinə daxil olan məlumata görə, Ukrayna ordusu Rusiyanın itkiləri ilə bağlı statistikanı yeniləyib. Bu barədə Ukrayna ordusunun Baş Qərargahı Feysbuk səhifəsində məlumat yayıb.
“Fevralın 24-dən martın 11-dək rus ordusunun 12 mindən çox əsgəri, 353 tankı, 1 165 zirehli döyüş maşını, 125 artilleriya sistemi, 58 raket sistemi, 31 hava hücumundan müdafiə sistemi, 57 təyyarəsi, 83 helikopteri, 558 avtomobil avadanlığı, 60 yanacaq və sürtkü materialları olan sisterni və 7 ədəd pilotsuz təyyarəsi məhv edilib”, – məlumatda bildirilib.
Ukrayna ordusu həmçinin 5 yaşayış məntəqəsini azad etdi. “Ukraynanın Çerniqov vilayətində fəaliyyət göstərən müqavimət qüvvələri 5 yaşayış məntəqəsini azad ediblər”. Bu barədə “Şimal” operativ komandanlığı məlumat yayıb.
“Rusiya Federasiyasının bölmələri tam döyüş qabiliyyətinə malik deyil. Zabitlər arasında panika var. Əsgərlərin mənəvi-psixoloji vəziyyəti tapşırıqların yerinə yetirilməsinə kömək etmir”, – məlumatda bildirilib.