GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Urmiya gölünü qurudan İran rejimi Xəzər və körfəzdən farsların bölgəsindəki səhralara su çəkir.
Bu məqsədlə İranın 2022-ci il dövlət büdcəsi layihəsində dövlətin Xəzər dənizi və Ərəb körfəzindən suyun ölkənin mərkəzi yaylasına nəqli üçün xüsusi büdcə ayırıb. Halbuki, İran dövlətinin Ətraf Mühitin Qorunması Təşkilatının sədri bu yaxınlarda açıq şəkildə bu planlara qarşı çıxmışdı.
İranın dövlət büdcəsi layihəsində qeyd olunub ki, içməli və sənaye müəssisələri üçün lazım olan suyun təmin edilməsi istiqamətində Xəzər dənizindən su çəkiləcək.
Qeyd edək ki, İran hökuməti farslar yaşayan bölgələrə suyun daşınması üçün işlər görüb büdcə ayırsa da, Güney Azərbaycanın incisi hesab edilən Urmiya gölünün qurudulmasının qarşısının alınması üçün heç bir büdcə ayırmayıb və tədbir görməyib.
