Urmiya zindanında azərbaycanlı məhbuslar təhlükə qarşısında; qadınlar aclıq aksiyasında

GADTB-nin Mətbuat Mərkəzinə daxil olan məlumata görə, Urmiya zindanında azərbaycanlı məhbusların həyatı təhlükədədir. Zindanda koronavirusun geniş yayıldığına  baxmayaraq məsulların məsələyə laqeyd yanaşır. Bu isə həbsdə olan qadın məhbusların ciddi etirazı ilə qarşılaşıb və onlar zindanda aclıq aksiyasına başlayıblar.

Avqustun 18-dən etibarən rejimin Urmiyada yerləşən zindanının qadınlar bölməsində saxlanılan 140 məhbus zindan məsullarının COVID-19 infeksiyasına yoluxan məhbusların müalicəsinə etinasız yanaşmalarına etiraz əlaməti olaraq aclıq aksiyası keçirir.

Koronavirusa yoluxan 4 qadın zindanın qadınlar bölməsində başqa məhbuslarla bir yerdə saxlanılır. Məhbuslar həmin xəstələrin digər məhbuslardan ayrılaraq zindanın poliklinikasına yerləşdirilməsini tələb ediblər.

Qeyd edək ki, bundan öncə də Urmiya zindanın koronavirusa yoluxma səbəbilə etirazlar baş vermişdi.