GADTB Güney Azərbaycan Demokratik Türk Birliyi
GADTB: Azərbaycanlı siyasi məhbuslar Vədud Əsədi və Tahir Nəqəvinin aclıq aksiyasının 21-ci günündə, Vədad Əsədinin həyat yoldaşı da həmrəylik məqsədilə aclıq aksiyasına başladığını elan edib.
Vədud Əsədinin həyat yoldaşı, milli fəal Zəhra Purəsəd yayımladığı mesajda həyat yoldaşının vəziyyətinə və məsulların biganəliyinə etiraz olaraq aclıq aksiyasına qoşulduğunu bildirib. O, həm həyat yoldaşının, həm də digər azadlıq tələb edən məhbusların səsini ictimaiyyətə çatdıracağını vurğulayıb.
Məlumata görə, Vədud Əsədi və Tahir Nəqəvinin davam edən aclıq aksiyası kritik mərhələyə çatıb və hər iki fəalın səhhətinin sürətlə pisləşdiyi bildirilir. Ailələr və yaxınlar insan haqları təşkilatları ilə vətəndaş cəmiyyətini bu siyasi məhbusların səsinin eşidilməsi və mümkün insani fəlakətin qarşısının alınması üçün hərəkətə keçməyə çağırıblar.
