Vəhidə Kərimi: Şəxsi telefonum və “Instagram” hesabım hələ də təhlükəsizlik qüvvələrinin əlindədir

GADTB: Azərbaycanlı fəal Siyamək Mirzəinin həyat yoldaşı Vəhidə Kərimi özünün “Instagram” səhifəsində paylaşım edərək bildirib ki, onun mobil telefonu və “Instagram” hesabı təhlükəsizlik və kəşfiyyat qüvvələrinin nəzarətindədir.

Kərimi həmin hesab vasitəsilə müxtəlif mesajların göndərildiyini qeyd edərək, bu mesajların onu ittiham etmək məqsədilə yayımlandığını bildirib. O, həmin mesajların məzmununa görə məsuliyyət daşımadığını vurğulayıb.

Vəhidə Kərimi qeyd edib ki, sözügedən “Instagram” hesabı hələ də təhlükəsizlik qüvvələrinin əlindədir və həmin hesab vasitəsilə yayılan mesajların onunla heç bir əlaqəsi yoxdur.