GADTB Güney Azərbaycan Demokratik Türk Birliyi
GADTB: ABŞ-da Azərbaycan Prezidenti cənab İlham Əliyev, ABŞ prezidenti Donald Tramp və Ermənistan Baş naziri Nikol Paşinyan arasında keçirilmiş görüş zamanı Zəngəzur dəhlizinin açılması barədə əldə olunan razılıq münasibətilə müzəffər Ali Baş Komandanımız cənab İlham Əliyevə, 55 milyon dünya azərbaycanlılarına və bütün türk dövlətlərinə ürəkdən təbriklərimizi çatdırırıq.
Azərbaycanın qəhrəman dövləti və ona rəhbərlik edən möhtərəm Prezidentimiz, Ali Baş Kamandan cənab İlham Əliyevin uzunmüddətli, müdrik və uğurlu siyasətinin bu gün daha bir tarixi nəticəsini görməkdən böyük qürur duyuruq. Diplomatik arenada atılan bu mühüm addım, Zəngəzur dəhlizinin açılması ilə yalnız Azərbaycanın deyil, bütün türk dünyasının strateji, iqtisadi-siyasi mövqeyini gücləndirmişdir.
Hörmətli cənab Prezident! Bu gün biz azərbaycanlılar xoşbəxtik ki, Sizin rəhbərliyiniz dövründə belə əlamətdar hadisələrə şahidlik edirik. Azərbaycanın düşmənləri artıq başa düşməlidirlər ki, bölgədəki oyunları iflasa uğrayıb və bundan sonra nə işğalçı Rusiya, nə də İran rejimi ölkəmizə qarşı yanlış addım atmağa cəsarət edə bilməyəcək.
Qarşıdakı mərhələdə yolumuz parçalanmış torpaqlarımızın birləşdirilməsi, “Bütöv Azərbaycan” idealının gerçəkləşməsi və tarixi missiyamızın tamamlanması olacaq.
Yaşasın Azərbaycan!
Yaşasın Türk birliyi!
Güney Azərbaycan Demokratik Türk Birliyi (GADTB)
