Xamneyi və Ruhani dünən rejimin paradına silahlı hücum barədə hədə-qorxu gəlməyə başlayıblar

GADTB-nin Mətbuat Mərkəzinə daxil olan məlumata görə, Xamneyi və Ruhani dünən rejimin paradına silahlı hücum barədə hədə-qorxu gəlməyə başlayıblar.

Əli Xamneyi iddia edir ki, Əhvaz şəhərində hərbi parada silahlı aktının arxasında ABŞ rəhbərliyi altında fəaliyyət göstərən dövlət durur.

Xamneyi deyib: “Əhvazdakı dəyərli vətəndaşlarımızın öldüyü və muzdlu terrorçular tərəfindən törədilən amansız və kədərli faciə İran milləti düşmənlərinin pis niyyətini bir daha nümayiş etdirdi. Bu cinayətlər bizim sevimli ölkəmizdə təhlükəli vəziyyətin yaradılması məqsədi güdən ABŞ-ın regiondakı əlaltılarının sui-qəsdidir”.

İrqçi və işğalçı fars rejimin prezidenti Ruhani də deyib ki, ABŞ-ın dəstəklədiyi Körfəz ölkələri Əhvazdakı hücuma görə məsuliyyəti üzərinə götürən Əhvaz Ərəb Demokratik Hərəkatına maliyyə və hərbi yardımlar göstərir.

Qeyd edək ki, Ələhvaz şəhərində hərbi parad zamanı təşkil olunan hücum nəticəsində ölənlərin sayı 25, yaralıların sayı isə 60-dan çox olub.