GADTB Güney Azərbaycan Demokratik Türk Birliyi
GADTB: Yəmən Hərbi Dəniz Qüvvələri Qırmızı dənizdə pilotsuz uçuş aparatlarının hazırlanması üçün avadanlıq daşıyan bir gəmini ələ keçirdiyini açıqlayıb. Yəmən tərəfinin bildirdiyinə görə, avadanlıqlar SEPAH tərəfindən husilərə göndərilib.
Əməliyyat sentyabrın 4-də, çərşənbə günü axşam saatlarında həyata keçirilib. Yükün həcmi və gəminin dəqiq hansı ərazidə ələ keçirildiyi barədə əlavə məlumat açıqlanmayıb.
Bununla yanaşı, Yəmən Hərbi Dəniz Qüvvələri cümə axşamı səhər saatlarında beynəlxalq gəmiçilik marşrutuna nəzarət edən adalara yaxınlaşan beş husi qayığına atəş açaraq onları istiqamətlərini dəyişməyə məcbur edib.
Yəmən ordusu həmçinin cümə axşamı səhər saatlarında bir pilotsuz uçuş aparatının qarşısının alındığını və vurulduğunu açıqlayıb.
