GADTB Güney Azərbaycan Demokratik Türk Birliyi
GADTB: Rejim parlamentinin Sosial Komissiyasının sədri Əli Babayi Karnami son müharibədən sonra işsizliyin sürətlə artdığını bildirib və xəbərdarlıq edib ki, hesablamalara əsasən 220 mindən 400 minədək işçi işini itirə bilər.
O, əmək bazarındakı vəziyyəti böhran adlandıraraq, koronavirus dövründə olduğu kimi işçilərə birbaşa maliyyə dəstəyinin təcili şəkildə həyata keçirilməsini tələb edib. Onun sözlərinə görə, işçilərin hesablarına yardım ödənişlərinin köçürülməsi işçi və işəgötürən arasında əmək münasibətlərinin qorunmasına kömək edə bilər.
Əli Babayi Karnami həmçinin vurğulayıb ki, hökumət lazımi göstəriş və qərarları gecikdirmədən vilayətlərə göndərməlidir.
O bildirib ki, indiyədək 220 mindən çox şəxs işsizlik sığortası üçün müraciət edib, lakin yalnız təxminən 42 min nəfər üçün ödəniş təyin olunub.
