Zelenski: Xəzər dənizində İranın hərbi yükləri ilə əlaqəli gəmiləri hədəf aldıq

GADTB: Ukrayna Prezidenti Volodimir Zelenski X sosial şəbəkəsində paylaşdığı açıqlamada bildirib ki, Ukrayna Silahlı Qüvvələri Xəzər dənizində həyata keçirdiyi uzaqmənzilli əməliyyat zamanı İran İslam Respublikası ilə əlaqəli hərbi yüklərin daşınmasında istifadə olunan gəmiləri və bir hərbi gəmini hədəfə alıb.

Zelenski əlavə edib ki, Ukrayna qüvvələri ötən gecə Rusiyanın bir neçə bölgəsində yerləşən hərbi və logistik obyektlərə də zərbələr endirib.

Onun sözlərinə görə, hücumlar Kirov vilayətində yerləşən hərbi zavodu, Tümen şəhərindəki neft emalı müəssisəsini, Yekaterinburqdakı logistika mərkəzini və Rostov-na-Donudakı yanacaq anbarını hədəf alıb.