GADTB-nin Mətbuat Mərkəzinə daxil olan məlumata görə, azərbaycanlı siyasi məhbusların birliyi qarşısında rejimin Ərdəbildəki zindanının rəhbərliyi təslim olub.
Tanınmış azərbaycanlı siyasi məhbus Abbas Lisani və digər azərbaycanlı siyasi məhbusların tələbləri qəbul edilib. Bundan sonra azərbaycanlı siyasi məhbuslar aclıq aksiyasını dayandırıblar.
Bu barədə yaxınları ilə telefon əlaqəsi saxlayan azərbaycanlı siyasi məhbuslar məlumat veriblər.
Abbas Lisani deyib ki, azərbaycanlı siyasi məhbusların tələblərinin qısa müddətdə qəbul olunması aclıq aksiyasına qoşulan siyasi məhbusların birliyi, eləcə də zindan xaricində azərbaycanlı milli-mədəni fəalların geniş fəaliyyəti nəticəsində baş verib.
Abbas Lisani aclıq aksiyasına qoşulanların adından Azərbaycanda və bütün dünyada birlik göstərərək onlara dəstək verən türk fəallara minnətdarlığını bildirib.
Abbas Lisani həmçinin deyib: “Ümid edirik ki, Ərdəbil zindanıı rəhbərliyinin aclıq aksiyasına qoşulanların tələblərini qəbul etməsi İrandaki bütün zindanlarda qanunlara və insan haqları konvensiyalarının müddəalarına əməl olunmasına zəmin yaradacaq”.