GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, 2020-ci il yanvar ayının 23-də Qəzvin sakini olan azərbaycanlı fəal Kavə Darülşəfa mülki vəsiqə qarşılığında rejimin Tehranında yerləşən Evin zindanından zaminə buraxılıb.
Azərbaycanlı fəal Kavə Darüşşəfa, qardaşı Yaşar yaxalanandan 5 gün sonra 2019-cu il noyabrın 25-də öz evində irqçi fars rejim tərəfindən ETTELAAT məmurları tərəfindən yaxalanaraq Evin zindanının 209-cu bölməsinə köçürülmüşdür.
Qeyd edək ki, rejimin həbs etdiyi azərbaycanlı fəal və öyrənci Yaşar Darülşəfa 2020-ci il yanvarın 1-də mülki vəsiqə qarşılığında Evin zindanından zaminə buraxılıb.
Kavə 2014-cü ildə qardaşı Yaşara qarşı rejimin kobud davranışı və Evin zindanının 350-ci bölməsində yaxalanan digər məhbuslara təzyiqlərə etiraz olaraq keçirilən etirazlarda yaxalanıb, Evin Zindanında 15 gün saxlandıqdan sonra sərbəst buraxılıb.
2019-cu ilin noyabr ayında keçirilən etirazlarda çox sayda azərbaycanlı fəal da yaxalanıb. Darülşəfa qardaşları da həmin günlərdə yaxalanmışdılar.
