Çərşənbə , İyun 3 2020
azfa

Güney Azərbaycanın Əndərian qızıl mədəninin fəaliyyəti dayandırıldı

GADTB-nin Mətbuat Mərkəzinə daxil olan məlumata görə, Güney Azərbaycanın Qaradağ bölgəsinin Əndərian kəndinin yaxınlığında yerləşən qızıl mədəninin ətrafında toplu şəkildə mal-qaranın ölümündən sonra mədənin fəaliyyəti Şərqi Azərbaycan vilayətinin Ətraf Mühit Mühafizəsi İdarəsi tərəfindən dayandırıb.

Ətraf Mühit Mühafizəsi İdarəsinin rəisi Həmid Qasimi mədən ətrafında qoyunların ölümünün səbəblərinin dəqiq araşdırılması üçün mədənin fəaliyyətinin müvəqqəti olaraq dayandırlması ilə bağlı müvafiq qərar verildiyini bildirib.

Qasimi deyib ki, Şərqi Azərbaycanın Baytarlıq və Ətraf Mühit Mühafizəsi İdarələrinin ekspertləri qoyunların öldüyü ərazilərdən nümunələr götürüblər. Nümunələrin cavabı bəlli olduqdan sonra növbəti qanuni addımlar atılacaq.

Qeyd edək ki, irqçi fars rejim Güney Azərbaycanı müskəmləkə kimi talamaq məqsədilə mədənləri talamağa davam edir. Təxminən 30 milyon ton ehtiyatı olan Əndərian mədəni Şərqi Azərbaycan əyalətinin Qaradağ bölgəsində yerləşir. Əndərian Qızıl Mədənində qızıl hasilatı üçün qeyri-standart və köhnə üsuldan istifadə olunur. Mədənin fəaliyyətinin ətraf mühitə vurduğu ziyana görə dəfələrlə əhali etiraz etsə də, irqçi fars rejimin rəsmiləri faktları gizlədərək mədənin fəaliyyətinin davam etməsinə şərait yaradıblar. Ekspertlərin fikrincə, mədəndə hər gün təxminən bir ton natrium sianid istehlak olunur. Bu, çox təhlükəli və zəhərli maddədir. Həmin maddə havanı çirkləndirir və sonda yağıntılar zamanı torpağa daxil olur. Həmin maddə sonralar yeraltı suları da çirkləndirir. Bu şəkildə rejim Güney Azərbaycanda ekoloji fəlakət törətməklə xalqımızın sərvətlərini talayıb aparır.

Həmçinin yoxlayın

Rejim həbs etdiyi azərbaycanlı idmançını vəsiqə qarşılığında zaminə buraxdı

GADTB-nin Mətbuat Mərkəzinə daxil olan məlumata görə, irqçi fars rejimin həbs etdiyi azərbaycanlı milli-mədəni fəal …

Güney Azərbaycanın Meşginşəhr bölgəsində tarixi qaya rəsimləri aşkarlanıb-Video

GADTB-nin Mətbuat Mərkəzinə daxil olan məlumata görə, Güney Azərbaycanın Meşginşəhr (Xiyav) bölgəsində 15 yeni tarixi …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir