GADTB-nin Mətbuat Mərkəzinə daxil lan məlumata görə, dünən İranın Futbol Federasiyasının İntizam Komitəsi Güney Azərbaycanın “Traxtur” futbol klubunu “Sepahan” komandası ilə oyuna pulsuz bilet verdiyinə görə bir milyard rial cərimə cəzasına məhkum edib.
Məlumata görə, apellyasiya şikayəti verilə bilən bu qərarda “Traxtur” klubu ümumi davranış prinsiplərini pozduğuna, biletləri pulsuz elan etdiyinə və Təbrizin Səhənd stadionunun tutumundan artıq tamaşaçı qəbul etdiyinə görə cərimələnib.
Qeyd edək ki, “Traxtur”un kapitanı Şüca Xəlilzadəyə bu oyunda idmana yaraşmayan hərəkətlərə yol verdiyinə görə yazılı töhmət verilib.