Cümə , Avqust 14 2020
azfa

“Tehranda “Əndişe-ye no” (Yeni fikir – S.B.) nəşriyyatı niyə tətil olub?

GADTB: 2018-ci ilin may ayının 22-də hər zaman olduğu kimi saat 4-5 hüdudları (günortadan sonra – S.B.) Tehranda kitab almağa “Tehran bilim yurdu” qarşısındakı “Foruzende” pasajının ən aşağı qatında yerləşən “Əndişe-ye no” nəşriyyatının kitab yayını mağazasına baş çəkdikdə gördüm ki, 3-4 nəfər dükan qabağında karton qutulara kitab toplamaqdadırlar və kitab dükanı qarışıq haldadır!

“Əndişe-ye no” nəşriyyatının kitab yayımı məsulu sayın Yusif Fərzanə gərgin durumda kitab toplayanların əlinə baxırdı! Mən dükanın için keçmək istəyəndə kitab toplayanların biri mənə xitabən farsca: “Hac ağa məğaze tətile!” (Hacı ağa, mağaza bağlıdır – S.B.)

Mən təəccüb ilə cənab Fərzanənin üzünə baxanda o da qısa cümlə ilə dedi: “Bəli, …dükan tətildir!”

Sonra bildim ki, gəlib “Əndişe-ye no” kitab dükanından mücəvviz (icazə, lisenziya – S.B.) ilə çap olan Dr.Zehtabi, Dr.Heyət və mənim (Raşedi) kitablarımızı tamamilə toplayıb aparıblar və cənab Fərzanəyə də deyiblər ki, bundan sonra bu 3 nəfərin kitablarını satmamalısan!

Cənab Fərzanə deyib, bu kitablara “İrşad” idarəsi (mədəniyyət, nəşriyyat və çap işlərini senzura edən idarə mənasında – S.B.) lisenziya verib çap olmasına.

Deyiblər, lisenziya olsa da, sən satmamalısan!

Sonra zahirən cənab Fərzanə də məhkəməyə çəkilib və məhkəmənin son hökmü 3 milyon tümən cərimə və bir ay kitab dükanının tətili (bağlanması – S.B.) olmuşdur!

İndi həm o, 3 milyon cərimə verilib və həm bir ay dükanın tətili başlanıb!

Sayın Səməd Bayramzadənin facebook səhifəsindən

Həmçinin yoxlayın

Evin zindanında həbsdə olan azərbaycanlı siyasi məhbuslar: Dövlət televiziyasının yayımladığı reportaj gülünc və yalandır

GADTB-nin Mətbuat Mərkəzinə daxil olan məlumata görə, Evin zindanının 8-ci bölməsində həbsdə saxlanılan azərbaycanlı siyasi …

Yunan gəmisinin Türkiyə gəmisiniə hücumu zərərsizləşdirildi

GADTB-nin Mətbuat Mərkəzinə daxil olan məlumata görə, Aralıq dənizində “Oruc Rəis” gəmisinə qarşı təxribata cəhd …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir