GADTB Güney Azərbaycan Demokratik Türk Birliyi
GADTB: İrqçi fars-molla rejimin keçmiş rəhbəri Əli Xameneinin cənazə namazı bazar günü səhər saat 08:00-da Cəfər Sübhani tərəfindən qılınıb. Onun dəfn mərasimi ölümündən dörd aydan çox vaxt keçdikdən sonra keçirilir.
Mərasimin diqqət çəkən məqamlarından biri, atasının ölümündən on gün keçməmiş İranın yeni rəhbəri elan edilən və ayətullah kimi təqdim olunan Müctəba Xameneinin mərasimdə iştirak etməməsi olub. O, atasının cənazə namazını qılmaq üçün də mərasimdə görünməyib.
Bu müddət ərzində Müctəba Xameneidən onun ölkəyə rəhbərlik etmək qabiliyyətini göstərən nə səs yazısı, nə də video yayımlanıb.
Ehtimal olunur ki, İran hakimiyyəti onun atasının dəfn mərasimində belə iştirak etməməsini təhlükəsizlik məsələləri ilə izah edəcək. Lakin müşahidəçilərin fikrincə, artıq hakimiyyətin İsrail və ya ABŞ tərəfindən mərasimə mümkün hücumla bağlı əvvəlki qədər narahat olmadığı görünür. Belə ki, bazar günü keçirilən mərasimdə İranın yüksək vəzifəli rəsmilərinin demək olar ki, hamısı, o cümlədən üç hakimiyyət qolunun rəhbərləri, SEPAH və Qüds Qüvvələrinin komandirləri iştirak ediblər.
Bununla yanaşı, ötən ilin 9 esfəndindən – müharibənin başlandığı vaxtdan bəri ictimaiyyət qarşısında görünməyən Əli Xameneinin digər üç oğlu – Mustafa Xamenei, Məsud Xamenei və Meysəm Xamenei bazar günü atalarının tabutu başında iştirak ediblər.
