GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rəhbəri Əli Xameneyi rəsmi mərasimdə üstüörtülü şəkildə Güney Azərbaycanda Azərbaycan millətini İrandan ayrılmaq istədiyi halda zərbə alacağı ilə hədələyib.
Əli Xameneyi 1945-1946-ci illərin 21 azər – Azərbaycan Milli Hökumətinin qurulmasının ildönümü ilə eyni vaxtda çıxış edərkən bu şəkildə Azərbaycan millətini hədələyib.
İran milli kimliyinin qorunub saxlanılmalı olduğunu vurğulayan Ili Xameneyi deyib: “Üzərimizə düşən vəzifələrdən biri budur ki, “özümüzə”, “öz-özlüyümüzə” diqqət yetirək. Azərbaycan onu fərqləndirən kimliyə tam diqqət yönəltməlidir. İran xalqı öz kimliyini unutmamalıdır. Öz kimliyini unudarsa, zərbə alacaq, sillə alacaq, geridə qalacaq”.
Qeyd edək ki, irqçi fars rejimi Qərb imperializminin yardımı ilə Qacar hakimiyyətini qəsb etdikdən sonra Azərbaycan türklərinə qarşı müstəmləkə siyasəti yürüdür. Məqsəd isə Azərbaycan Türk millətini bir millət kimi məhv etməkdir.
