GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Urmiyanın millət vəkilləri Qazipur və Bəhadüri, eləcə də digər 50 türk millət vəkili Ruhaninin etniklərin işi üzrə müşaviri Əli Yunisinin Azərbaycan türk millətinin kimliyini təhrif etməsi və türk millətini təhqir etməsi ilə bağlı H.Ruhaniyə yazılı xəbərdarlıq göndəriblər.
Millət vəkilləri imza toplamaqla Yunisinin Azərbaycan türkləri barədə dediyi həqiqətə uyğun olmayan sözləri pisləməklə, bu barədə Ruhaniyə xəbərdarlıq göndəriblər.
Qeyd edək ki, H.Ruhaninin etniklərin işi üzrə müşaviri Əli Yunisi Azərbaycan türk millətinin kimliyini inkar edərək, onları fars və kürdlərin qardaşı adlandırıb. O beləliklə Azərbaycan türklərini təhqir edib. Yunisinin bu antitürk müsahibəsi irqçi farsların qəzeti olan “Qanun” qəzetində dərc edilmişdir.
