GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, BMT baş katibinin sözçüsü Stefan Düjarrik Ərdoğanın Putinlə görüşünün əhəmiyyətinə toxunaraq deyib ki, Rusiya lideri Vladimir Putinlə türkiyəli həmkarı Rəcəb Tayyib Ərdoğan arasında Soçidə baş tutan görüş olduqca önəmlidir.
O, bu görüşün İdlib sakinlərinin həyatında müsbət rol oynayacağına ümid etdiyini söyləyib: “İdlibdə mülki şəxslər böyük təhlükədədir”.
Amerikalı general-leytenant Robert Eşli isə bu barədə deyib ki, Türkiyə Prezidenti Rəcəb Tayyib Ərdoğanla rusiyalı həmkarı Vladimir Putinin Soçi görüşü Suriya konfliktinin həlli baxımından olduqca əhəmiyyətlidir.
“Bu cür müzakirələrin olması bizi cəsarətləndirir”, – deyə general bildirib.
O, İdlibdəki hazırki vəziyyətin “qaynar qazan”a bənzədiyini vurğulayıb:
“Regionda 20 fərqli qrup və təşkilat mövcuddur”.
