ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) قادین و اینسان حاقلارین دئپارتامئنتین صدری سایین سارا آذرسون دونن ۸ مارت – دونیا قادینلار گونو موناسیبتی ایله آذربایجان و تورک دونیاسینین خانیملارینا تبریک مئساژی یاییب.
سایین سارا خانیم آذرسونون تبریک مئساژینی اولدوغو کیمی تقدیم ائدیریک:
۸ مارت – دونیا قادینلار گونو موناسیبتیله
دونیاداکی بوتون قادینلارین، خصوصیله ۵۵ میلیونلوق آذربایجان تورکونون و بوتون تورک دونیاسینین خانیملارینین بایرامی موبارک اولسون!
قادینلار بیر ایجما، بیر بؤلگه، بیر اؤلکه و دونیا اوچون بیرلیک و برابرلیک رمزی‌دیر. اقتصادیات، مدنیت، صلح و باریش قادینلارین رولو ایله فورمالاشیر.
دونیادا هله ده قادینلارین حاقلاری اوغرون‌دا مباریزه آپاریلیر.
ایران آدلانان اؤلکه‌ده گونئی آذربایجان تورک قیزلاری ان فوندامئنتال حاقلارینی چوخ مد‌نی شکیل‌ده طلب ائدیرلر و بو یول‌دا حیاتلارینی فدا ائدیرلر. سون ایللرده بیر نئچه گونئی آذربایجان‌لی قادین فارس-موللا رئژیمینین الی ایله سیویل اعتراضلار زامانی شهید اولوب. دؤکتور آیلار حاجی، حدیث نجفی کیمی قهره‌مان قیزلاریمیز بو مینلرله شهید قادین‌دان یالنیز بیر نئچه‌سی‌دیر.
بو موباریزه قادینلارین برابر حقوقلارا صاحب اولماسی و اؤز حاقلارینی الده ائتمه‌سی اوچون داوام ائد‌جک.
قادینلار و قیزلار بیر اؤلکه‌نین وارلیغینین قارانتی‌دیر. اونلارین حقوقلاری هر کسین حقوقلاری ایله برابر اولمالی‌دیر!
حؤرمتله
سارا آذرسون
گونئی آذربایجان دئموکراتیک تورک بیرلیگینین قادین و اینسان حاقلاری دئپارتامئنتینین صدری
