Bazar ertəsi , Noyabr 16 2026
azfa

İran ABŞ-ın Darxovin Atom Elektrik Stansiyasına hücum etdiyini açıqlayıb

GADTB: İran Atom Enerjisi Təşkilatı bazar günü yaydığı bəyanatda ABŞ ordusunun Xuzistan əyalətində yerləşən Darxovin Atom Elektrik Stansiyası tikinti sahəsinə hücum etdiyini bildirərək, bu addımı “qətiyyətlə” pisləyib.

Təşkilat bəyanatında bu hücumu “beynəlxalq hüququn pozulması” adlandıraraq bildirib: “28 iyul 2026-cı il tarixində, yerli vaxtla saat 03:39 radələrində tikilməkdə olan Darxovin Atom Elektrik Stansiyasının ərazisi bir neçə mərmi ilə hədəfə alınıb.”

Darxovin İranın Xuzistan əyalətinin Şadəqan məntəqəsinin Darxovin bölgəsində yerləşən şəhərdir.

İran Atom Enerjisi Təşkilatının bəyanatından bir neçə saat əvvəl Xuzistan valisinin təhlükəsizlik məsələləri üzrə müavini bildirmişdi ki, ABŞ döyüş təyyarələri yerli vaxtla saat 05:55-də Şadəqan şəhəri yaxınlığında yerləşən bir nöqtəyə raket zərbəsi endirib.

Təşkilat bəyanatında həmçinin Beynəlxalq Atom Enerjisi Agentliyinin baş direktorunu bu hücumu pisləməyə çağıraraq bildirib ki, bu hadisə Nüvə Silahlarının Yayılmaması Müqaviləsi (NPT), nüvə təminatları sistemi və Beynəlxalq Atom Enerjisi Agentliyinin nizamnaməsini daha da zəiflədir və Agentlik öz nizamnamə üzrə öhdəliklərini yerinə yetirməlidir.

Məlumata görə, Darxovin layihəsi 300 meqavat gücündə atom elektrik stansiyası kimi nəzərdə tutulub.

Həmçinin yoxlayın

ABŞ-ın “Ruzvelt” aviadaşıyan gəmisi Yaxın Şərqə daxil olub

GADTB: “Aksios” nəşrindən sonra Birləşmiş Ərəb Əmirliklərinin “The National” jurnalı və “Jerusalem Post” qəzeti də …

İrqçi fars rejiminin parlamenti xarici ölkələrin media qurumları ilə əməkdaşlığı cinayət hesab edir

GADTB: İran parlamenti media məkanının məhdudlaşdırılması və informasiyanın sərbəst yayılmasına qarşı təzyiqlərin gücləndirilməsi istiqamətində atdığı …