GADTB Güney Azərbaycan Demokratik Türk Birliyi
GADTB: Azərbaycanın “Traxtur” futbol komandasının Qoşaçaylı tərəfdarı Tohid Xadimi Təbriz İnqilab Məhkəməsinin qərarı ilə 10 il 9 ay müddətinə azadlıqdan məhrum edilib. O, ötən il saxlanılmış, 23 gün həbsdə qaldıqdan sonra girov qarşılığında müvəqqəti azadlığa buraxılmışdı.
Hüquq müdafiəçilərinin yaydığı məlumata görə, məhkəmə Tohid Xadimini “milli təhlükəsizliyə qarşı əlbir olmaq” ittihamı ilə 3 il 6 ay, “sistem əleyhinə təbliğat aparmaq” ittihamı ilə isə 7 il 3 ay müddətinə azadlıqdan məhrum edib.
Mənbələrin iddiasına əsasən, məhkəmə hökmü əsasən təhlükəsizlik qurumlarının hesabatlarına söykənib və məhkəmə baxışı zamanı irəli sürülən ittihamları təsdiqləyən müstəqil sübutlar təqdim edilməyib.
Məlumatlı mənbələrin bildirdiyinə görə, Tohid Xadiminin saxlanılması zamanı sosial şəbəkələrdə fəaliyyət göstərən “Ti-Ti Market” adlı səhifə ilə əlaqəsi onun həbs səbəblərindən biri kimi göstərilmişdi. Lakin məhkəmə araşdırması zamanı onun həmin səhifə ilə hər hansı əlaqəsi sübuta yetirilməyib.
