GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim əhalinin verilən subsidiyaları ləğv edir. İranın üç ali orqanının başçılarının Yüksək Koordinasiya Şurası 21 sentyabr şənbə günü enerji subsidiyasının ləğvi ilə bağlı qərarlar qəbul edib.
İclasda Planlaşdırma və Büdcə Təşkilatı “ölkənin iqtisadi vəziyyətinə uyğun olaraq enerji daşıyıcılarının qiymətlərinin müəyyən edilməsi mexanizmi” mövzusunda hesabat təqdim edib və “lazımı qərarlar enerji sektorunun nisbi üstünlüyündən optimal istifadəsi əsasında ölkə iqtisadiyyatında dəyər zənciri əsasında qəbul edilib”.
İran Prezidentinin İctimaiyyətlə Əlaqələr Şöbəsinin məlumatında qərarın təfərrüatları qeyd edilməyib və bu məsələdə yalnız prezident Həsən Ruhaninin sözlərinə toxunulub.
Ruhani bildirib: “Qiymətlərin hər hansı struktur dəyişikliyindən əldə olunan istənilən dividentlər az gəlirli və sabit gəlirli insanlara yönləndirilməlidir ki, inflyasiya dəyişikliyi ilə əlaqədar alıcılıq qabiliyyətinin azalması mümkün qədər kompensasiya edilsin”.
Fars agentliyi də adı çəkilməyən bir dövlət rəsmisinə istinadən bu qərarlardan birinin “gizli subsidiyalara aid olduğu”nu bildirib.
“Gizli subsidiya bir şəkildə idarə olunmalı və vəziyyətinə aydınlıq gətirilməlidir”,- deyə o əlavə edib.
Qeyd edək ki, bundan əvvəl də enerji subsidiyalarının ləğvi ilə bağlı gizli iclaslar keçirilib.
