Koronavirusu inkar edən daha bir neçə molla və sepah terrorçusu virusdan öldü

GADTB-nin Mətbuat Mərkəzinə daxil olan məlumata görə, Çindən koronavirusu Quma gətirib, oradan isə bütün regiona bulaşdıran, eləcə də həmin virusu inkar edərək Qum və Məşhəddə hərəmi ziyarət etməyin korona xəstəsini müalicə etdiyini deyən daha bir neçə molla və sepah terrorçusu koronavirusdan öldü.

Bu prosesin davamında Xomeyninin şagirdi və onun Qum və Nəcəfdə ofisinin üzvü, eləcə də Xamneinin yaxınlarından olan Əhməd Müntəziri Qumi koronavirusa yoluxaraq ölüb.

Eyni zamanda molla yetişdirən Elmiyyə Hövzəsinin qadınlar üzrə İdarəsinin rəis müavini Fəridə Davudi da koronavirusa yoluxaraq ölüb.

Rejimin məclisinin keçmiş millət vəkili Həmin Kəhram da koronavirusdan ölüb.

Bundan əlavə Əli Xamneyinin ali təhsil ocaqlarındakı nümayəndəsinin siyasi-mədəni işlər üzrə müavini axund Məhəmməd Mehdi Salehinin koronavirusdan öldüyü bildirilir. Lakin rejim onun avtobobil qəzası nəticəsində öldüyünü iddia edib.