Berlində Çinə qarşı böyük yürüş: Uyğurların soyqırımını dayandırın

GADTB-nin Mətbuat Mərkəzinə daxil olan məlumata görə, Almaniyanın paytaxtı Berlində Çinin Şərqi Türküstandakı Uyğurlara qarşı siyasətinə etiraz edildi. “Biz Uyğuruq” və “Sərbəst buraxın” deyə qışqıran nümayişçilər “Uyğurlara qarşı soyqırımı dayandırın” yazılı lövhələr daşıyırdılar.

Etirazçılar, Çinin Berlin səfirliyi qarşısında Todenhöfer Partiyası Komandası qrupu tərəfindən təşkil edilən icazəsiz nümayiş zamanı Uyğur türklərini təmsil edən maskalar taxdılar.

Əllərini də qandallayan nümayişçilər, Pekində keçiriləcək 2022 Qış Olimpiya Oyunlarının boykot edilməsini tələb etdilər və “No Rights, No Games” (Hüquq yoxdursa, oyun da yoxdur) yazılmış bir pankart açdılar.