GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Birləşmiş Millətlər Təşkilatının (BMT) rəhbərliyi altında Kiprli tərəflər ilə zamin ölkələr Türkiyə, Yunanıstan və İngiltərənin iştirakı ilə İsveçrənin Cenevrə şəhərində 5 + 1 formatlı keçirilən qeyri-rəsmi Qıbrıs mövzulu konfrans davam edir.
BMT Baş Katibi Antonio Quterresin rəhbərlik etdiyi konfransa bu gün bir iclas ilə yekun vurulması gözlənilir.
Konfransa heyət rəhbərləri olaraq Kipr Rum icmasının lideri Nikos Anastasiadis, Şimali Kipr Türk Respublikasının (ŞKTR) prezidenti Ərsin Tatar, Türkiyənin Xarici işlər naziri Mövlud Çavuşoğlu, Yunanistan Xarici işlər naziri Nikos Dendias və İngiltərə xarici işlər naziri Dominic Raab iştirak edir.
BMT-nin Cenevrə Ofisindən yayılan açıqlamada, konfrans bitdikdən sonra mətbuat konfransı təşkil ediləcəyi bildirilib.
Xatırladaq ki, 5+1 formatlı Kipr temalı qeyri-rəsmi konfrans 27 apreldə start götürüb.
